Fjarskiptafyrirtækið Ábótinn ehf.

Ábótinn ehf var stofnsettur árið 1992 af bræðrunum Axeli og Árna Árnasonum Njarðvík. Axel var þá sóknarprestur Stóra-Núpsprestakalls og Árni var kerfisstjóri hjá Anza hf. En þeir hafa nú horfið til annarra starfa.

Ábótinn býður í dag tengimöguleika við internetið með örbylgusendum og í gegnum ljósleiðarakerfi Skeiða- og Gnúpverjahrepps.

Ábótinn hýsir vefi og hefur gert það síðan 1996.

Forsaga Ábótans er gagnagrunnurinn Kapellan sem prestar nýta enn til skráningar verka sinna. Leiddi það til frekari gagnagrunna m.a. fyrir læknastofur, ökukennara, ferðaskrifstofur, verkefnið Bændur græða landið og forðagæsluskrá, skráningarkerfi fyrir Þjónustumiðstöð rannsóknarverkefna er sinnti allri blóðsöfnun fyrir Íslenska erfðargreiningu. Ábótinn stofnaði  www.kirkjan.is á eigin vefþjóni hýstum hjá Íslenska menntanetinu árið 1996 en árin 1995 og 1996 marka upphaf vefsins.

Kerfi Ábótans er fætt með 1Gb/s tengingu við 365 miðla. Internet og IP sjónvarp er því hægt að draga úr kerfi Ábótans til afþreygingar og atvinnu.

Haustið 2000 réðst Ábótinn í það verk að tengja saman með lagningu ljósleiðara helstu hús sem þá var að finna við prestsetrið Tröð í Skeiða- og Gnúpverjahreppi. Sumarið 2001 var síðan lagt í það að leggja ljósleiðara um 3 km leið, frá Þjórsárskóla að ljósleiðara Landsvirkjunnar í mastri 67 í Búrfellslínu 3. Formlega var ljósleiðarasambandið opnað á Ljósleiðaradegi í Árnesi 6. apríl 2002 að viðstöddu nokkru fjölmenni.

Opinberir styrkir sem fengust voru tveir. Byggðarstofnun veitti 400.000 kr. og Gnúpverjahreppur 700.000 kr. til verksins. Kostnaður Ábótans við lagningu og tengingu ljósleiðarans stóð í 10.200.000 kr. án vsk. árið 2002.

Það hefur alla tíð verið markmið Ábótans að styrkja byggð í dreifbýli Suðurlands með fjarskiptum.

Eystra-Geldingaholti s. 481 2258 http://www.abotinn.is abotinn@abotinn.is